txojkevphoojywg

Would you like to react to this message? Create an account in a few clicks or log in to continue.
txojkevphoojywg

Qhov tseem ceeb yog txoj kev phooj ywgTxoj kev thaj yeeb yog txhua tus sib hlub thiab sib pab


2 posters

    Poem Viv Ncaus

    avatar
    Admin
    Member
    Member


    Posts : 105
    Join date : 2011-01-23

    Poem Viv Ncaus Empty Poem Viv Ncaus

    Post by Admin Wed 21 Nov - 9:30








    paj huam txijnkawm ua haujlwm.

    koj tsis khoom tuaj los puam chawj
    koj txhob txhawj kavtsij ua haujlwm
    thiaj yuav tshwm li yus xav tau
    txhob siab yau thiaj li tau noj
    ua siab loj kom sawv tau ntxov
    los ua mov rau yus ntim su
    hnub qaij nrus thiaj li tsis tshaib
    hau nqaij qaib coj mus ua work
    thiaj tsis txhawj tias noj dab tsi
    noj luag ntxhi tham kev lomzem
    txhob lam cem yus tus me khub
    neb niaj hnub ua work ua ke
    txhob sib nthe rau qhov tsis zoo
    tham sib nroo laug lub sij hawm
    tej txij nkawm kom nyob xauv npo
    caij noj hmo noj thiaj hnov qab
    txhob sib thab thiab txhob sib ceg
    neej ruaj ntseg yog nkauj txhav qaib
    qhov zoo saib yog nraug txhav noog
    thiaj sib yoog ua neej kom khov
    coj li nov xwb tiag kwvtij phoojywg sawv daws.


    avatar
    nkaujhnubqub
    Member
    Member


    Posts : 886
    Join date : 2011-01-25

    Poem Viv Ncaus Empty Re: Poem Viv Ncaus

    Post by nkaujhnubqub Thu 22 Nov - 5:42

































    Ua leej tib neeg, hauv neeg lub neej
    Yuav nco meej tias zoo tsis txwm
    Yam tus twm niaj hnub laij liag
    Tus hlub tiag yus yeej tsis paub
    Ua nkauj npaub tsis pom luag plawv
    Yus thiaj sawv mus nrog luag koom
    Thiaj tau loom lub neej thiaj faib
    Tau yawg laib los yog yus hmoov
    Nco ntsuj ntsoov tias koj twb tawm
    Txoj kev kawm muaj dab neeg cia
    Lub siab qhia koj paub txhua yam
    Neej txawm plam los rov pib dua
    Txawm tu ncua los koj nyob kiab
    Txoj kev tu siab yeej tus tsis tas
    Yeej mob mas kuv me viv ncaus
    Lawv tej laus los tso yus ua ntsuag
    Lub neej tsuag ces yeej tu siab tshaj
    Yeej tsis kaj nrog leej twg luag li
    Yus txav ti los luag ntshai
    Tsam yus hai luag tus hlub thiab
    Yus tus ntxhiab ces zoo li tsw phem
    Thiaj raug cem thiab raug nto tiag
    Txawm muaj kiag li ntawv lawm los
    Ua siab tos rub siab ntev loo
    Yus, neeg zoo cia luag nroo luag
    Ntuj yeej puag yus nyob ze nws
    Tsis txhob yws thiab txhob nroo phem
    Txhob rov cem koj tus kheej mog
    Yuav tsis yog li koj xav lawm
    Kev txij nkawm yuav yog ob leeg
    Siab sib ntseeg siab sib hlub
    Txawj sib qhub thiaj sib haum xeeb
    Muaj lub teeb ob leeg taws hos
    Yog sib tos ces tsis muaj cig
    Ua ib yig yuav muaj sib pab
    Muaj yam qab ob leeg thiaj xav noj
    Yam lub voj ob leeg yoog thiaj haum
    Thiaj xav caum yog luag hlub yus
    Ntshaw tus nus ua muaj siab dawb
    Thiaj tsis thawb yus poob ntug kev
    Ua niam tsev yuav tau xav xwb
    Txawm mob hlwb los yus ua yog
    Kua muag nrog los yuav txawj tu
    Tsis txhob xu yus txoj kev nyuaj
    Vim tau quaj los ntau xyoo lawm
    Thiaj tau tawm tso nws tseg
    Thiaj tau veg nyob ib leeg
    Yam nplooj zeeg daj zuj zus
    Los ua siab tus zaum no dim lawm
    Me nkauj ntxawm tsis txhob xav ntau
    Tsa hlo hau saib ntiaj teb tshiab
    Lub me txiab yus thiaj tsis muaj
    Lub suab quaj thiaj txawj tu nrho
    Lub neej no tsis yog koj nkaus
    Thiaj li xaus rau kev sib nrauj
    Tsis tseem nkauj los siab twb dav
    Siab tsis nyhav nrog me nyuam nyob
    Thaum lawv hlob yuav pab koj nawb
    Neej siab dawb yeej tau ntuj ntoo
    Ua siab zoo ntuj yeej tsom hwm
    Ua twj ywm tsis txhob tu siab lawm mog niam hluas a...



    avatar
    nkaujhnubqub
    Member
    Member


    Posts : 886
    Join date : 2011-01-25

    Poem Viv Ncaus Empty Re: Poem Viv Ncaus

    Post by nkaujhnubqub Mon 22 Apr - 8:05



    Txawm lub sij hawm tig tsis tau rov qab lawm
    Los kuv twb pw hauv no tsis tawm
    Kuv tseem nyob hauv lub tsev qub
    Tseem tos neb txhua txhua hnub
    Yog hnub twg neb tuaj tsis pom kuv me hneev tes
    Ces yog kuv txoj sia tu lawm thiaj tsis tuaj saib neb sib zes
    Kuv twb muab peb txoj kev hlub cog
    Khaw cia rau thaj chaw ntawm no lawm mog
    Thaum kuv nco nco neb ces kuv khiav khiav tuaj hauv nov
    Tuaj saib zoj pom neb tej me hneev log laig nyob tsis muaj tus kov
    Lub chaw no yob zoo tam lub paj
    Kuv tuaj hnia ib pas tas siab kaj
    Neb tej me hneev nyob tam lub tshuaj cawm neeg siab
    Kuv khiav tuaj muab noj tas kuv txawm muaj siab ntshiab
    Kav kuv mus lawm ib hnub dhau zuj zus
    Kuv nco neb npaum li no kuv yuav tsis ncaim ntawm neb mus
    Yog tsis muaj lub chaw no ua pov thawj
    Ntshe sau paj huam los kuv twb tsis txawj
    Yog lub chaw no tsis khaws peb tej hneev tes cia
    Ntshe kuv twb mus lawm ntev tsis rov los sau lus tseg qhia
    Lub sij hawm tig tsis tau rov
    Los lub siab hlub tseem muaj nyob hauv nov
    Lub sij hawm txawm tig lawm tiag
    Los lub suab nroo lo lus hlub tseem nyob hauv no npliag
    Yog kuv nco koj ces tuaj ntawm no xwb
    Yog koj nco kuv ces tig rov los nrog kuv lim hlwb
    Tsis muaj leej twg yuav rhuav tshem tau peb txoj kev hlub
    Txawm yuav muab peb kaw muab peb tua los peb lub suab tseem hnov qhub
    Nco ntsoov li nawb mog kuv ob tus vi ncaus
    Kuv nco ntsoov thiab os kuv ob tus niam laus








    Last edited by nkaujhnubqub on Mon 22 Apr - 9:55; edited 1 time in total
    avatar
    nkaujhnubqub
    Member
    Member


    Posts : 886
    Join date : 2011-01-25

    Poem Viv Ncaus Empty Re: Poem Viv Ncaus

    Post by nkaujhnubqub Mon 22 Apr - 8:09





    Xav hnov thiab pom kom koj lub siab zoo
    vim tsis xav txhawj thiaj tsis poob siab
    Kuv los thiaj nyob kaj siab
    Neb yog ob tug phoojywg xub paub sib poog


    Xav pom thiab paub kom koj lub plawv txias
    Tsis xav pub koj lub plawv mob thiab dhia
    Thiaj tham lus seev lus ntxias
    Vim peb yog phoojywg ib ib txawm thaum ub

    Nkaujhnubqub thiab Npaujnpaim neb yog kuv li phoojywg zoo thaum pib
    Txawm tsis khoom tuaj sib dib tham lus sib caum ua si
    Lub siab thiab lub zeem muag tseem nco ntsoov txog yav ntuj thaum i
    Thiaj tseem tuaj taug peb tej qub hneev tws kom txhob ploj

    Tsuas muaj tshua thiab nco xwb mog Npaujnpaim thiab Nkaujhnubqub e


    Yesterday at 11:51 pm

    avatar
    nkaujhnubqub
    Member
    Member


    Posts : 886
    Join date : 2011-01-25

    Poem Viv Ncaus Empty Re: Poem Viv Ncaus

    Post by nkaujhnubqub Tue 14 May - 10:26

    Txoj me kev hlub
    Yog txoj me kev tu siab
    Yog luag tsis qhub
    Ces yeej tsis hnov kiab

    Txoj me kev nco ces
    Ploj ntshis tuav tsis tau nws tes
    Txoj kev kho siab ces yeej li
    Seev yuj yees rau lub ntuj tsaus nti

    Thaum kuv yus nyob ib leeg
    Ces yus zoo tam rev plooj zeeg
    Yus daj zuj zus lawm
    Yog muaj cua tshuab ces tu nrho ya tawm

    Txoj me kev kho siab ces yeej txawj muaj
    Txoj me kev daib siab ces yeej tsis ruaj
    Thaum xav tau tu siab ces kua muag nrog
    Thaum xav kev zoo siab ces kuj muaj luag ntxhi thiab mas mog
    avatar
    nkaujhnubqub
    Member
    Member


    Posts : 886
    Join date : 2011-01-25

    Poem Viv Ncaus Empty Re: Poem Viv Ncaus

    Post by nkaujhnubqub Thu 16 May - 2:03

    Me viv ncaus,Txoj kev sib hlub
    Twb yog yuav sib qhub

    Ua lub neej sib pub
    Kom thiaj muaj luag li ntxhub

    Koj luag ntxhi ces kuv siab kaj nrig
    Koj quaj khiav ncig ces kuv mob siab tsaus nti

    Kev phooj ywg yog kev sib txhawb
    Lo lus zoo thiaj thau los tawb

    Txoj kev viv ncaus zoo
    Ces yog kev tuaj sib poog sib nroo

    Muab lo lus zoo los hais kom kiab
    Thiaj dawv tau tib neeg lub me siab

    Txoj kev zoo uas yus tau txais ntawv
    Tus txawj txais ces yeej zoo lub plawv

    Tus muaj hmoo thiaj muaj lwm tus pab
    Yog muaj hmoo ntuj pov hwm ces txhua tai mov yeej qab

    Yus txoj kev tau muaj pob zeb pob ca
    Los yus twb muaj muaj hmoo thiaj muaj tus tuaj pab yus khaws yus nqa

    Li ntawv yuav tsis nyhav heev rau yus thiab
    Zaum no ces kav tsij luag ntxhi nyob kiab

    Peb txiv father twb yog tus siab zoo
    Nws thiaj cev tes los rub koj loo

    Me Vivncaus, koj yeej tsis muaj ntau los koj twb muaj hmoo me
    Taug twj ywm koj txoj me zoo ke

    Ib hnub tuaj yav tom ntej
    Koj yuav ntsib tus koj nrhiav uas yog koj tus phab ej mog







    avatar
    nkaujhnubqub
    Member
    Member


    Posts : 886
    Join date : 2011-01-25

    Poem Viv Ncaus Empty Re: Poem Viv Ncaus

    Post by nkaujhnubqub Thu 16 May - 2:51

    Txawm yuav cais dab cais qhua
    Los txhob ncua wb kev txij nkawm
    Cia lub kawm rau wb ev su
    Yuav sib hu kom sib hnov
    Yog siab sov los vim muaj ob
    Los sib nyob kom sib yoog ua ke
    Koom ib tse vim kev sib hlub
    Muaj ntuj kub thiaj hnov sov
    Muaj dej nrov thiaj paub nrhiav
    Tsis txhob khiav vim tsis sib thooj
    Me nas ntsooj tsis phim me noog dub
    Los nyob sib hlub muaj sib pab
    Thaum dej hlob nyab tej zeg liaj
    Me noog liaj thiaj pab tau me nas dim
    Kev sib chim tsis txhob khaws tseg
    Koom ib zeg thiaj li nyob taus
    Sib ib kom laus thiaj tsim nyog
    Sib koom txog tav ntuj no
    Yuav tsis tso koj rau leej twg
    Tam lub lwg twb yuav yaj
    Khuv xim tshaj yog koj yuav ploj
    Yam ntuj tshoj wb thiaj hloov yuam
    Kev hlub tshuam ces zoo sib xws
    Cia txhob yws thiaj tsis sib puas
    Txoj siav txuas thiaj muaj ntev
    Txawm daim lev tsis zoo ib yam
    Tsuav wb tsis plam wb txoj kev hlub tiag
    Koj xub ntiag kuv yuav pw nthi
    Txawm wb yuav nti rau sab twg
    Los kev pjhooj ywg yuav tsis lawb
    Es wb xawb yam zoo tso yam phem
    Ua muab wb lem tsis txawj xaus
    Thiaj ntho nkaus wb txoj kev hlub xwb mog

    Nyeem zaj no ntxiv os:

    Xav hais tias txoj kev hlub tsis txhob muab sib cais
    Ua zoo hais kom sib to taub
    Thiaj yuav paub txog lub siab zoo
    Thiaj ua loo peb tej siab kaj
    Lub ntuj kaj twb txhawb tau ntuj tsaus
    Cas ho mus tsis taus wb txoj kev sib hlub
    Twb yog ntuj pub wb thiaj tau nyob ua ke
    Nyob sib ze pub wb sib hlub sib yuav
    Kuv tsis rhuav wb kev txij nkawm
    Vim hmoov sawm wb thiaj sib tau
    Los sib sau wb nyob koom ib tse
    Wb lub npe yog niam txiv tis
    Txhob muab kis rau txojkev ntseeg
    Wb ob leeg Vajtswv yeej hlub
    Vajtswv rub kuv tus me tav
    Muab siav ntshav los phlis ua koj
    Kom siav loj los nrog kuv nyob
    Thaum muaj mob ho paub saib xyuas
    Kev dab qhuas yoog yus niam yus txiv
    Txhob sib phiv koj li kuv li
    Tham luag ntxhi li yawm saub muab
    Neej kav cuab thiaj li ruaj ntseg
    Yuav tsum tseg koj pab kuv pawg
    Cuas pog yawg thiaj li sib haum
    Txhob sib qaum nej dab peb qhua
    Ib tug npua los sawv daws noj
    Tej laus coj yog mus li no
    Yuav tau nco tejlaus txiaj ntsig
    Lub cuabyig yog niam txiv tsa
    Wb roj ntsha yog niam txiv muab
    Tsav lub cuab txhawb niam tais yawm txiv
    Thaum pib chiv yog lawv yug yus
    Vajtswv lus yeej hais li no
    Kom nrog nco txhob cais kev ntseeg
    Wb ob leeg nyob laus nkoos mus ib txhis mog...








    Sponsored content


    Poem Viv Ncaus Empty Re: Poem Viv Ncaus

    Post by Sponsored content


      Current date/time is Fri 29 Mar - 3:59