txojkevphoojywg

Would you like to react to this message? Create an account in a few clicks or log in to continue.
txojkevphoojywg

Qhov tseem ceeb yog txoj kev phooj ywgTxoj kev thaj yeeb yog txhua tus sib hlub thiab sib pab


3 posters

    Tiam nco xwb

    nkaujhnub
    nkaujhnub
    Member
    Member


    Posts : 585
    Join date : 2011-01-23

    Tiam nco xwb Empty Tiam nco xwb

    Post by nkaujhnub Fri 23 Nov - 10:29

    Txhua tiam tos




    Tso nplooj siab tiam tas


    Yog lwm tiam muaj tiag li
    Yav thaum i yeej muaj thiab
    Tso nplooj siab nyob tiam tas los
    Nws tseem tos kuv tiam tshiab
    Kuv thawj thiab los tiam no
    Kuv thiaj nco rov nrhiav nws
    Kuv kev tws vim muaj cuab
    Tsis tau npuab nws xub ntiag
    Yog tiag tiag li lawv hais lawm
    Me nkauj ntxawm yeej paub tseeb
    Lub me teeb tseem ciaj nyob tos
    Kuv rov los nws laus heev
    Nws tsuas seev thiab quaj xwb
    Nws puas hlwb vim kev nco
    Nco txhua hmo tos kuv tiag
    Nws txawj npliag zoo tshaj plaws
    Nws hlub ntxaws tsis muaj tus pauv
    Yog tus qauv hauv kuv lub siab
    Yog tus ntxhiab uas kuv xav hnia
    Tseem khaw cia wb kev hlub
    Yav thaum ub kuv tso tseg cia
    Nws tseem ncia xws li kuv thiab
    Ntshe nplooj siab yog nws lawm lauj
    Tus hluas nkauj ua nws ib txwm hlub
    Nws tsis txhub wb kev nkauj nraug
    Nws tsis qaug rau leej twg li na
    Lub me nra mob lwj siab tsawv
    Tseem ev rawv tos kuv txo
    Hlub tag nrho nws siab tawm los
    Kuv thiaj dhos daws nws daim duab
    Uas thooj huab muab thaiv ntawv
    Kuv lub plawv mob tsheej zaj
    Nplooj siab kaj yog nrhiav tau
    Rov hlub tau tus tiam tas
    Yuav ua cas thiaj yog tau koj li
    Ntev npaum li no lawm tiag
    Tus hlub tiag nyob hauv kuv ntsws
    Yeej tsuas yws qhia tau li no xwb os kuv nplooj siab aw...



    (nkaujhnubqub)

    nkaujhnub
    nkaujhnub
    Member
    Member


    Posts : 585
    Join date : 2011-01-23

    Tiam nco xwb Empty Re: Tiam nco xwb

    Post by nkaujhnub Fri 23 Nov - 10:54

    Tiam nco xwb Fe1935968862293994c9c7ebeaff9bfb.th

    Tso nplooj siab tiam tas


    Khaws siab rau yam yus ntseeg mog,
    Cia siab rau lub hom phiaj uas yus xav mus kom txog.
    Yog thaum kawg yeej tsis tau los tsis tu siab li
    Yeej paub tias tsis hais 1 yam dab tsi
    yog tsis rau siab ua yuav ua mus tsis dhau.
    Yam twg los yog yus xav tias ntshe ua tsis tau.
    Nws yuav ua rau yus mob lub siab,
    Tsis muaj lub zog tshiab.
    Yuav tsum ua lub siab ntev nthaw,
    mus kom txog lub hom phiaj uas yus ntshaw,
    Thiab thaj chaw uas yus xav mus kom txog thiab pom hauv lub zeem muag,
    Txawm tias thaum kawg mus raws tsis cuag
    Tsis txog thiab tsis raws lub siab xav
    Los tsis tu siab vim yeej kawg lub tswv yim nthuav tsis dav
    Thiab kawg yus lub peev xwm lawm
    Ces yuav tsis tu siab tawm.
    Xws li tus tsis ua es pheej xav cia xwb
    1 hnub yuav tu siab heev Ces quaj puas hlwb
    Tias cas paub li kuv rau rau siab mus ces ntshe twb txog lawm
    Tsis nco tau thiaj nkim kuv lub sij hawm



    (nagtshia)
    avatar
    nkaujnas
    Member
    Member


    Posts : 231
    Join date : 2011-07-26

    Tiam nco xwb Empty Re: Tiam nco xwb

    Post by nkaujnas Fri 23 Nov - 21:44

    Tiam nco xwb Scrapsweb_fada-476067



    tus meniam hluas qavkaws tes ces kawg li no
    thiaj li niajhnub quaj/niajhnub nco
    txog tavno los tseem swb qees
    quaj seevyees cuag li cuam kau
    chim siab dhau tsis kam mus yuav
    neej xyuam khuav ntshaw kev uasi
    lub cuab yig saib tsis muaj nqis
    luag thiaj ris mus ua niam yau
    them ob npaug cov nyiaj sib qhaib
    hais tsis laib vim luag muaj nyiaj
    luag muab thiaj li miv kwv nas hwjhwjhwj hwj...
    hais tsis tas vim yuav muaj plaub
    yuav ciaj caub kwvtij txiv tub
    tsis sibhlub cais kwv cais tij
    raug luag zij sib cais nkauj nraug
    thiaj tubqaug txog tav li no
    xuas riam hno yeej tsis hnov mob
    kev hlub hlob ces yog li nov
    ib lub mov yeej tsis xav noj
    piv rau koj ua puas ntev taus
    yog tus saus uas chob rawv koj
    siab puas loj li kuv tus no
    tus koj nco es raug luag txeeb
    xav ua neeb mus muab nws tsuav
    ziab kom qhuav li tej nqaij qhua
    tus kuv tshua chim siab npaum no
    tseem yuav npo txog hnubtwg thiab
    tshav ntuj ziab ibce lwj tas
    siab ua kas lawm os niam hluas
    thov pab xyuas kom ncaj nruabnrab
    yam txoj hmab koobmus yoj xov losnyog
    kom txhob ntog rau lubntiajteb/daim av no mog......
    (nkaujnas)
    avatar
    nkaujhnubqub
    Member
    Member


    Posts : 886
    Join date : 2011-01-25

    Tiam nco xwb Empty Re: Tiam nco xwb

    Post by nkaujhnubqub Thu 14 Mar - 8:34

    Tiam nco xwb Scrapsweb_fada-275247



    Lus nqee nkaujnas

    Me nkaujnas, vivncaus siab zoo
    Mloog kuv nroo tuaj caum koj seb
    Kuv nyob deb txiav tsis tau txim
    Kev sib fim yog kev sib paub
    Koj tuaj saub kuv mam mloog
    Mam sib yoog rau txhua txoj kab
    Yav nram ntej qab kuv paub tsis txog
    Ua kua muag nrog los tim txoj mhoov
    Ntuj tsis ntxoov neb thiaj sib khaj
    Daim ntawv txij nkawm thiaj plam tu nrho neb kev sib hlub
    Txhob ua siab dub rub siab kom ntev
    Ua luag niam tsev los txhob xav ntau ntau
    Cia kom huab dub dhau neb mam rov sib cuag
    Kev quaj ntsuag thiaj tsis ua koj puas hlwb mog nkaujnas aw
    (nkaujhnubqub)

    Sponsored content


    Tiam nco xwb Empty Re: Tiam nco xwb

    Post by Sponsored content


      Current date/time is Thu 28 Mar - 7:12