txojkevphoojywg

Would you like to react to this message? Create an account in a few clicks or log in to continue.
txojkevphoojywg

Qhov tseem ceeb yog txoj kev phooj ywgTxoj kev thaj yeeb yog txhua tus sib hlub thiab sib pab


    nkaujhnubqub cov paj huam collection

    avatar
    nkaujhnubqub
    Member
    Member


    Posts : 886
    Join date : 2011-01-25

    nkaujhnubqub cov paj huam collection Empty nkaujhnubqub cov paj huam collection

    Post by nkaujhnubqub Tue 9 Jul - 2:08

    Kuv phooj ywg cas txawj  ua luaj
    Tam lub tshuaj muaj nuj nqis
    Ua kuv nqhis thiab tshaib koj
    Lo lus coj yog lo lus tseeb
    Tam lub teeb cig rau kuv xav cuag
    Txawm nus muag los koj yeej ntsiab
    Ua kuv nploojsiab ya raws qab
    Xav txia ua nab yas tuaj nrhiav
    Tsis xav khiav nrug deb koj
    Ntshe ntuj tshoj kom wb sib paub
    Kom koj saub nqa lus muaj kuab
    Nqa los puab rau kuv lub plawv
    Kom kuv sawv tau li daim phiaj zeb
    Ua sawv tom teb nyob nrog lujsim
    Mus ib sim kom txhob txawj ploj
    Tus zoo nroj yog muaj zoo av
    Thiaj muaj zoo kav muaj zoo nplooj
    Hlav ntau tshooj thiaj tsis pawv
    Tsob yub ntawv thiaj txawj loj
    Thiab ntuj tshoj nws kom tawg paj
    Ua ntshua zaj kom zoo nkauj rau lub ntiaj teb
    avatar
    nkaujhnubqub
    Member
    Member


    Posts : 886
    Join date : 2011-01-25

    nkaujhnubqub cov paj huam collection Empty Re: nkaujhnubqub cov paj huam collection

    Post by nkaujhnubqub Mon 3 Mar - 10:51

    Cas kuv nyob tsis muaj koj

    Nyob ib leeg lub siab txias to
    nyob nrog txoj kev nco
    Nyob nrog lub siab tos
    Xav ntsoov tias koj yuav rov los
    Lub siab khiav khawv khuav
    Txoj me kev twb zawj txij duav
    Lub cev tsis muaj zog
    Tsuas yog kiag ntog ntog
    Los vim tseem nco koj heev
    Mus tsis tau lawm ces puab taw rooj seev
    Lub siab nco koj tsis muaj hnub kaj
    Thiaj tau ua mob ua ntsaj
    Cas kuv tsis muaj koj nyob ib sab
    Noj mov npaum cas los tsis hnov qab
    Lub siab ncauj lam qhib
    Los lub siab xib xib
    Mov nqos tsis mus
    Lub kua muag ntws ua ntu zus
    Kheev lam koj nyob ib sab es cev tes so
    Ntshe yuav nyob nrog kev kaj siab txhua hnub no
    Cas kuv twb tsis muaj koj nyob nov li
    Kuv thiaj mob siab kua muag ntws si

      Current date/time is Fri 29 Mar - 4:09